Papa Françesku tha në një intervistë se Ukraina duhet të ketë atë që ai e quajti kurajon e "flamurit të bardhë" dhe të negociojë një fund të luftës me Rusinë. Françesku i bëri komentet e tij në një intervistë të regjistruar muajin e kaluar me transmetuesin zviceran RSI, shumë mëpërpara ofertës së të premtes nga presidenti turk Tajip Erdogan për një samit mes Ukrainës dhe Rusisë për t'i dhënë fund luftës.Erdogan e bëri ofertën e re pas një takimi në Stamboll me homologun e tij ukrainas Volodymyr Zelenski. Ky i fundit tha se pavarësisht se e dëshiron paqen, nuk do të heqë dorë nga asnjë territor i vendit.Plani i paqes i vetë udhëheqësit ukrainas kërkon tërheqjen e trupave ruse nga e gjithë Ukraina dhe rivendosjen e kufijve të saj shtetërorë. Kremlini ka përjashtuar përfshirjen në bisedimet e paqes sipas kushteve të vendosura nga Kievi.Një zëdhënës i Zelenskit nuk iu përgjigj menjëherë një kërkese për koment mbi intervistën e Papës.