Një depo municionesh e rusisë në Makiivkan e pushtuar është shkatërruar në një shpërthim të madh që raportohet se u shkaktua nga dy raketa amerikane HIMARS. Pamjet dramatike tregonin se si goditja kishte shkaktuar një lëmsh të madh zjarri në qytetin që ndodhet në rajonin e kontrolluar nga rusia të Donetskut. Sulmi i kryer në mes të natës la një person të vdekur dhe 36 të lënduar, sipas mediave ruse. Këto të fundit raportuan se shpërthimi i madh shkundi të gjithë rajonin e Donetskut. Sipas tyre, raketat me shumë gjasa ishin HIMARS. Forcat e armatosura të ukrainës thanë se një depo municionesh është shkatërruar. Zyra e komunikimeve strategjike të Kievit, tha: Si rezultat i një sulmi preciz të njësive të forcave mbrojtëse, një tjetër formacion i terroristëve rusë në makiivkan e pushtuar përkohësisht ka reshtur së ekzistuari.