Instituti për Studimin e Luftës tha se forcat ukrainase vazhdojnë të bëjnë "përparime të qëndrueshme në territorin rus’, mes pretendimeve të Zelenskit se Kievi ka marrë nën kontroll një tjetër qendër banimi në Kursk. Pamjet e publikuara më 21 gusht tregojnë operatorët e dronëve të Brigadës 155 të Këmbësorisë Ruse duke goditur forcat ukrainase në dhe përreth Vishnevkas duke konfirmuar se forcat ukrainase me gjasë do të marrin kontrollin në këtë pjesë. Një kanal rus pro-luftës pretendoi se Ukraina u përpoq të përparonte nga Vishnevka drejt Komarovkas më në perëndim, por ishte zmbrapsur. Aktualisht, forcat ukrainase kontrollojnë një territor deri në 40 kilometra në thellësi të Rusisë. Efekti i parë pozitiv, sipas ekspertëve ushtarakë është ulja e numrit të bombardimeve ruse në rajonet kufitare ukrainase pranë Kurskut. Kyiv tha se ndalimi i sulmeve ruse kundër civilëve ishte një nga objektivat kryesore të inkursionit në Kursk që sapo hyri në javën e tretë.