Ajo që po shohim në Ukrainë, është një tërmet politik me një ndryshim të madh. 11 zyrtarë dhanë dorëheqjen ose u shkarkuan ndërkohë që Kievi, në luftë me Rusinë, përpiqet të luftojë edhe korrupsionin në qeveri. E kjo ka bërë që disa politikanë në SHBA të kërkojnë që ndihmat për ukrainën të kufizohen. Presidenti Volodimir Zelenski po përpiqet të rikthejë besimin publik, por akuzat janë serioze dhe koha nuk është ajo e duhura. Disa akuza janë bërë publike falë një gazetari investigativ të faqes së ëebit Ukrainska Pravda. Ai raportoi kohët e fundit, se kompania e një trajneri personal të një zyrtari të lartë, kishte marrë miliona që nga fillimi i pushtimit, por ndër të tjera kishte edhe një shkrim për zëvendës shefin e zyrës së presidentit Zelenski. Kyrylo Tymoshenko dha dorëheqjen dy muaj pasi gazetari raportoi se ai do ta vendoste familjen e tij në pronën e një njeriu të pasur. Gazetari po ashtu publikoi foto në të cilat Tymoshenko shihej ndërsa ngiste një makinë të kushtueshme Porsche.