Rusia ka mbledhur më shumë se 100 mijë trupa afër kufirit të Ukrainës, javët e fundit, sipas përllogaritjeve amerikane duke ngritur frikën e perëndimit dhe ukrainës se një pushtim mund të jetë i afërt. Ndërsa përpjekjet diplomatike janë intensifikuar për të evituar luftën, analistët paralajmërojnë se ushtria ruse përbën një kërcënim të menjëhershëm për Ukrainën. Por nëse pushtimi do të ndodhë, nuk është e qartë se nga do të nisë ai. Rusia ka krijuar pika presioni në të tre anët e Ukrainës, në Krime, në jug, në anën ruse të kufirit mes dy vendeve, dhe në bjellorusi, në veri. Shumë vëmendje i është kushtuar dy rajoneve separatiste të Donetskut dhe Luhanskut ku forcat ukrainase dhe separatistët e mbështetur nga rusia, janë në konflikt që nga 2014-ta. Supozohet se moska mund të rrisë fuqinë ushtarake që e zotëron ndërkohë në rajon dhe ta bëjë ukrainën lindore pikën më të lehtë nga e cila mund të nisë një pushtim. Imazhet satelitore tregojnë ndërkohë bazën e madhe në Yelnya, që mbante tanke ruse, artileri dhe armatime të tjera, që është zbrapsur, me pajisjet që janë zhvendosur shumë më afër kufirit kohët e fundit.