Ish-kryetari i Partisë Demokratike, Lulzim Basha ka uruar Antonio Tajan për zgjedhjen e tyre në krye të Forza Italia. 69-vjeçari Antonio Tajani, ministri i Jashtëm i Italisë u zgjodh unanimisht nga këshilli i forza Italia për të kryesur partinë e themeluar nga Silvio Berlusconi i cili ndërroi jetë më 12 qershor të këtij viti. Duke i uruar suksese në krye të partisë, Basha shprehet se pret me padurim të takohet e të bashkëbisedojë në familjen e PPE për bashkëpunimin mes PD dhe Forza Italia dhe forcimin e marrëdhënieve mes dy partive dhe Shqipërisë me Italinë. “Pres me padurim të diskutoj në PPE perspektivat e ardhshme midis Forza Italia dhe PD, si edhe për mënyrat si mund të forcohet më tej bashkëpunimi për ta bërë edhe më të fortë partneritetin strategjik mes dy vendeve tona”, shkruan Lulzim Basha. Lulzim Basha planifikon të rikthehet në krye të Partisë Demokratike. Në zgjedhjet e 29 korrikut ai garon përballë Gjergj Hanit.