Më shumë se 100 plumba u qëlluan të premten në Milot ndaj Klisman Preçit dhe 47-vjeçarit Ylli Brahimit në një atentat që tronditi vendin. Edhe pse lëviznin një makinë të blinduar, breshëria e plumbave i mori jetën Precit, i cili humbi jetën në spitalin e Traumës në Tiranë ndërkohë që Brahimi ndodhet në gjendje të rëndë shëndetësore. Si Brahimi ashtu edhe Preçi nuk janë emra të panjohur për drejtësinë dhe njohen në botën e krimit si njerëz të afër të Ervis Martinit. Atentati ndodhi në Milot, në hyrje të një pallati. Makina me të cilën ishin të plagosurit ka qenë tip fuoristradë “Land Rover”, e blinduar, por me sa duket ata janë qëlluar pak sekonda pasi kanë nga mjeti. Nga dëshmitarët në një kohë të shkurtër, është mësuar janë pritur nga një tjetër automjet. Pas atentatit, dyshohet se autorët janë larguar drejt Laçit ose Krujës. Ndërkaq, policia ka ngritur postblloqe. Kontrolle po kryhen edhe në Kurbin, pasi ka dyshime se autorët të jenë nga kjo zone. Ndërkohë një automjet u dogj në Krujë pak minuta pas atentatit.