Një trup I pajetë është identifikuar dhe tërhequr pasditen e kësaj të shtunë nga liqeni i Fierzës. Dyshohet se trupi i pajetë I përket peshkatarit Tofik Gjika 49 vjec nga Dibra. Ky i fundit është shpallur I humbur nga familjarët e tij rreth më shumë se një muaji më parë, ndërsa u tha se përherë të fundit ai u nis për peshkim. Sipas policisë, dyshohet se rjedha e lumit e ka përcjellë trupin e Gjikës deri në Liqenin e Fierzës. Bëhet me dije se trupi i viktimës është dërguar në morgun e qytetit të Kukësit, ndërsa pritet që të konfirmohet nga të afërmit dhe familjarët nëse trupi i përket apo jo Gjikës. Gjika humbi në ujërat e Drinit në fund të vitit 2021 teksa peshkonte. Familjarët e tij vijuan kërkimet për javë të tëra me radhë por pa sukses. Policia së bashku me nidhmën e polumbarëve kërkuan për disa ditë radhazi, po pa rezultat. Ndërsa fmiljarët, akuzuar autoritetet për mos angazhim në këtë cështje kaq të rëndë. Gjithsësi, pritet që dyshimet e policisë të konfirohen, pas ekspertizës mjekoligjore.