Në videon e publikuar në rrjet, babai shqiptar që masakroi me thikë vajzën dhe gruan e tij shfaqet në një moment duke kërkuar djalin e vogël, 5 vjeç. Ai pyet gruan e plagosur se ku është djali. Nëse do ta kishte gjetur, tragjedia mund të kishte përfunduar në të tjera përmasa. Mediat italiane shkruajnë se në momentin e krimit makabër, djali i çiftit shqiptar nga Vlora ka qenë në banesë. Por, kur ka parë të atin duke kërcënuar e goditur me thikë të motrën 16 vjeç dhe nënën është fshehur i tmerruar pas divanit. Sipas mediave italiane, ai ka qëndruar pa lëvizur deri në momentin që ka shkuar policia në banesë. Shqiptari Taulant Malaj vrau me thikë gocën e vet 16 vjeç dhe një shtetas Italian 51 vjeçar. Në ngjarje mbeti e plagosur rëndë gruaja e tij. Shkak i çmendurisë së tij ishin dyshimet se gruaja e tradhtonte me shtetasin italian.