Një tjetër vrasje e rëndë brenda javës tronditi mesnatën e së hënës Tiranën, ku Klaudio Prendi, djali i ish-gjyqtarit Fran Prendi, u vra me breshëri plumbash. Prendi ishte në një lokal me miqtë, ku u vra me armë zjarri e cila dyshohet silenciator për shkak së të shtënat nuk u dëgjuan, sapo doli për të hipur në makinën e tij. Lidhur me rastin hetimet paraprake janë shtrirë në disa pista dhe pse nuk ka një konkrete. Nuk përjashtohet as mundësia që shkak të jetë bërë dhe profesioni i babait të viktimës. Kjo pasi gjatë kohës që ka qenë gjyqtar, Fran Prendi ka shqyrtuar një sërë çshtjesh të grupeve të ndryshme kriminale. Ai ka dënuar grupin e Emiljano Shullazit dhe këtë të fundit për të cilin vendosi 14 vite burg. Ky i fundit është një personazh i njohur për drejtësinë, ku ka qenë i dyshuar për aktivitete të ndryshme kriminale, për krime të ndryshme të rënda që nga vrasjet, shpërthimet me eksploziv, apo trafik dhe shitje e shpërndarje droge, si dhe akuza të tjera në kuadër të grupit të strukturuar kriminal. Prendi ka qenë edhe gjyqtari në seancën paraprake për shqyrtimin e “Dosjes 339”. Ai gjithashtu ka dhënë vendimin për Fadil Kasemin që vrau bashkëshorten gjyqtare, Fildez Hafizi.