Detaje të reja janë bërë me dije në lidhje me arrestimin e shqiptarit Bashkim Osmani, i akuzuar për përshirje masive në trafikun e drogës, i njohur si kreu i një grupi kriminal që trafikon kokainë nga Amerika Latine si dhe si një njeri i icili prej kohësh dyshohet se është marrë me pastrim parash. Osmani, njeriu i pasur me një një shtëpi luksoze në Majorca të Spanjës, një restorant dhe një hotel, në të cilin policia sekuestroi 86 piktura vaji me vlerë pesë milionë euro, shtatë makina super sportive, 16 ora luksoze dhe 200 mijë euro cash. Osmani I cili prej kohesh ka qenë në vëmendjen e disa prej mediave botërore, vecanërisht në mediat zvicerane dhe spanjolle, ka mohuar të ketë lidhje me krimin dhe drogën, apo me pastrimin e parave. Sipas të përditshmes kroate, Bashkim Osmani ka deklaruar për policinë se ai nuk është fajtor dhe se prej vitesh ka qenë nën hetimin e shërbimeve sekrete. Gazeta kroate thekson se me Osmanin, të njohur si bos i dyshuar i drogës, shërbimet sekrete merren që nga viteve ’90. Osmani u vu në pranga nga policia kroate me kërkesë të policisë dhe gjyqësorit spanjoll, të cilët nisën një operacion të madh në disa vende evropiane, ku vetëm në Bruksel u arrestuan 45 persona dhe u sekuestruan 1.2 milionë euro. Osmani pas arrestimit në Kroaci për llogari të FBI dhe DEA-s mësohet se do të ekstradohet në Spanjë.