Teatër të turpit të drejtësisë e konsideron kryeministri Edi Rama procesin e mbajtur në Hagë ndaj krerëve të Ushtrisë Çlirimtare të Kosovës. Reagimi i tij erdhi pas takimit që Rama pati me ish presidentin Hashim Thaçi. “E kam gjetur komandantin në formë, të qetë e të buzëqeshur si çdo i pafajshëm me karakter të hekurt, edhe pse me ndalime absurde të drejtash minimale që i ishin hequr krahasimisht me herën e kaluar - një turp më vete me një fjalë! Kemi folur për familjet, për miqtë e përbashkët, për Shqipërinë e për Kosovën, për “Skënderbeun” e Aurel Plasarit, që ia pata çuar më parë, për librin e fundit të Kisingerit që ia çova këtë herë, e për dy a tre libra të tjerë nga moria e leximeve të tij në këtë vend, të cilin me të qeshur Hashimi e quan “institut”.