Të paktën 25 persona u plagosën kur një fluturim i Delta Air Lines për në Amsterdam bëri një ulje emergjence pasi përjetoi turbulenca të dhunshme. Fluturimi me 275 pasagjerë dhe 13 pjesëtarë të ekuipazhit në bord u detyrua të devijonte për në Aeroportin Ndërkombëtar Minneapolis-Saint Paul. Kompanitë ajrore thanë se 25 prej të plagosurve u dërguan me urgjencë në spital "për vlerësim dhe kujdes". Avioni, një Airbus A33-900 u nis nga Salt Lake City, në Jutah dhe po shkonte drejt Evropës. Por menjëherë pas ngritjes, ai u përballe me turbulenca të forta që i detyruan pilotët të ktheheshin mbrapsht. Pamjet treguan ekipet e ndihmës së shpejtë që mbërritën në pistë për të çuar të plagosurit në spital.