Donald dhe Melania Trump patën një shkëmbim të nxehtë në bordin e Marine One, në një shfaqje të rrallë publike të një mosmarrëveshjeje martesore. Duke u kthyer nga Asambleja e Përgjithshme e OKB-së të mërkurën, ku presidenti amerikan mbajti një fjalim të gjatë dhe u zemërua për "sabotimin" e supozuar nga pjesëtarë të stafit, çifti ofroi një shfaqje jo shumë diplomatike. Përballë njëri-tjetrit, zonja e parë, 55 vjeç, mund të shihej duke tundur kokën dhe duke i bërë gjeste bashkëshortit të saj dhe ky i fundit i drejtonte gishtin, ndërsa helikopteri u ul në lëndinën jugore të Shtëpisë së Bardhë. Gjatë momentit, të kapur nga ekipet e kamerave në tokë, përmes dritareve të helikopterit, Trump e ndërpret bashkëshorten dhe i drejton gishtin asaj, ndërkohë që Melania vazhdon të flasë dhe të bëjë gjeste ndërsa presidenti kthen kokën mënjanë në shenjë mosmiratimi. Nuk është e qartë se për çfarë po diskutonin ata, por sjellja e tyre ndryshoi shpejt ndërsa dolën nga Marine One dhe ecën dorë për dore drejt Shtëpisë së Bardhë, duke përshëndetur shkurtimisht gazetarët.