Gjykatësit e Gjykatës së Apelit të Shteteve të Bashkuara kanë shprehur dyshimet e tyre se ish-presidenti amerikan, Donald Trump, është imun ndaj ndjekjes gjyqësore nën akuzat se ka tentuar të përmbyste rezultatin e zgjedhjeve presidenciale të vitit 2020. Në një rast historik, avokatët e Trump thanë se koha që ai ka kaluar në pushtet e mbron atë nga akuzat në lidhje me dyshimet se u përpoq ta zhbënte disfatën në zgjedhjet presidenciale 2020. Por, Departamenti i Drejtësisë argumentoi se Presidenti nuk është mbi ligjin. Gjatë seancës së fundit dëgjimore, gjykatësit i bënë trysni vazhdimisht avokatit të Trumpit që të mbrojë pretendimet se Trump është i mbrojtur nga akuzat penale për veprimet të cilat ai thotë se ishin pjesë e detyrave të tij si president. Trump, 77 vjeç, thotë se ai nuk duhet të përballet me akuza penale sepse në atë kohë kishte vepruar si president. Ai vazhdimisht ka përmendur imunitetin presidencial ndërsa përballej me rastet penale dhe civile që janë ngritur kundër tij.