Presidenti i zgjedhur amerikan Donald Trump akuzoi të shtunën Panamanë për tarifa të tepruara për përdorimin e Kanalit të Panamasë dhe tha se nëse Panamaja nuk e menaxhonte kanalin në një mënyrë të pranueshme, ai do të kërkonte që aleati i SHBA-së ta dorëzonte atë. Në një postim në Truth Social, Trump paralajmëroi gjithashtu se nuk do ta linte kanalin të bjerë në "duart e gabuar" duke paralajmëruar në dukje për ndikimin e mundshëm kinez e duke shkruar se kanali nuk duhet të menaxhohet nga Kina. Postimi ishte një shembull jashtëzakonisht i rrallë i një lideri amerikan që thotë se mund të shtyjë një vend sovran të dorëzojë territorin. Ai gjithashtu nënvizon një ndryshim të pritshëm në diplomacinë amerikane nën administratën e tij, duke mos kursyer kërcënimet ndaj aleatëve dhe duke përdorur retorika luftarake. Shtetet e Bashkuara të amerikës ndërtuan kryesisht kanalin dhe administruan territorin përreth tij për dekada. Por qeveria e SHBA-së ia dorëzoi plotësisht kontrollin e kanalit, Panamasë, në 1999 pas një periudhe administrimi të përbashkët. “Tarifat që vendosen nga Panamaja janë qesharake, veçanërisht duke ditur bujarinë e jashtëzakonshme që i është ofruar Panamasë nga SHBA-ja”, shkroi Trump në postimin e tij në “Truth Social”.