Presidenti Donald Trump ka kërcënuar të tërhiqet nga takimi i paralajmëruar me Presidentin Xi Jinping të Kinës, pasi Pekini shtrëngoi rregullat e tij për eksportet e metaleve të rralla. Në një postim në rrjetet sociale, Trump tha se tani nuk shihte "asnjë arsye" për t'u takuar me Presidentin Xi më vonë këtë muaj, duke akuzuar Kinën se "po bëhet shumë armiqësore" dhe po përpiqet ta mbajë botën "rob". Ai kërcënoi gjithashtu një rritje “masive” të tarifave për mallrat kineze, duke ngritur frikën për një ripërtëritje të tensioneve tregtare midis dy gjigantëve ekonomikë. Tregjet financiare ranë pas komenteve. Përveç shtrëngimit të rregullave për eksportet e metaleve të rralla, Kina ka hapur një hetim monopoli ndaj firmës amerikane të teknologjisë Qualcomm, gjë që mund të pengojë blerjen e një prodhuesi tjetër çipash nga ana e saj.