Udhëheqësi i Grenlandës pritet të zhvillojë bisedime me mbretin danez në Kopenhagen, pasi presidenti i zgjedhur i SHBA-së, Donald Trump tha se donte të merrte kontrollin e ishullit të madh në Arktik, një territor autonom i Danimarkës. Trump, i cili merr detyrën më 20 janar, tha të martën se nuk do të përjashtonte përdorimin e forcës ushtarake apo ekonomike për ta bërë Grenlandën pjesë të Shteteve të Bashkuara. Në të njëjtën ditë, djali i madh i Trumpit, Donald Jr., bëri një vizitë private në Grenlandë. Komentet e Trumpit ndezën reagime të ashpra në Evropë ndërkohë që NATO nuk i është përgjigjur një kërkese për koment. Danimarka është anëtare e aleancës ushtarake të udhëhequr nga SHBA dhe gjithashtu anëtare e BE-së. Grenlanda, e cila ka vetëm 57,000 banorë, por ka më shumë se 2 milionë km katrorë sipërfaqe, nuk është pjesë e BE-së, por është pjesë e NATO-s përmes lidhjeve të saj me Danimarkën.