Edhe liderët e rajonit të Ballkanit Perëndimor kanë reaguar për atentatin ndaj Trumpit. Presidentja e Kosovës, Vjosa Osmani në një postim në platformën X teksa dënoi rastin theksoi se çdo lloj dhune politike është e papranueshme. “Ne qëndrojmë në solidaritet të plotë me ish-Presidentin Donald Trump, familjen e tij dhe të gjithë amerikanët e prekur nga të shtënat në mitingun e Pensilvanisë. Çdo lloj dhune politike kudo është absolutisht e papranueshme dhe ne e dënojmë ashpër atë”, shkroi ajo. Ndërkohë kryeministri Kurti uroi shërim të shpejtë për kandidatin republikan. "Mospajtimet politike në një demokraci gjithmonë duhet të shprehen përmes formave paqësore të fjalës dhe protestës dhe të zgjidhen nga zgjedhje të lira dhe të ndershme", nënvizoi ai në X. "I uroj shërim të shpejtë, duke e ditur se ai do të dalë nga kjo luftë edhe më i fortë", shkroi Vuçiç në rrjetet sociale. Sulmi ndaj Trumpit u dënua edhe nga presidentja e Maqedonisë së Veriut, Gordana Silanovska-Davkova. "Dhuna politike nuk ka dhunë në demokraci", tha ajo. Të shtënat në Pensivlani ndodhën para nisjes së Kuvendit Kombëtar të Partisë Republikane, ku Trump pritet të sigurojë nominimin e partisë për të garuar në zgjedhjet presidenciale të 5 nëntorit.