Bertil Alliaj që vrau kushëririn e tij në Selenicë është marrë në pyetje për më shumë se një orë nga hetuesit. Gjatë dëshmisë së tij mësohet nga burime, se ai ka deklaruar se krimin e ka kryer për një “arsye të fortë”, të cilën ka refuzuar ta tregojë në këtë fazë. “E vrava për një arsye të fortë që s’mund ta them, pasi i kisha thënë disa herë që duhet të reagonte,” – ka thënë ai përpara oficerëve të policisë. Sipas burimeve, autori ka shtuar se ndoshta në një moment tjetër do të jetë gati të tregojë arsyen e vërtetë pas ngjarjes. Pas rreth pesë orësh kërkimesh intensive pas vrasjes, me përdorimin edhe të dronit, Policia e Vlorës ka bërë të mundur arrestimin e 32-vjeçarit Bertil Allaij. Konflikti mes tyre mësohet se ka ndodhur për motive të dobëta, ndërsa viktima ka ndërruar jetë në vend nga plagët e marra.