Një ngjarje e rëndë ka tronditur Kosovën mbrëmjen e së mërkurës. Katër përsona pjesëtarë të një familjeje janë vrarë në rrethana ende të pqarta në fshatin Pozheran të komunës së Vitisë, rreth 50 kilometra në lindje të Prishtinës. Policia tha se nuk dihen motivet e vrasjes që ndodhi pak pas orës 18, por viktimat janë të së njëjtës familje. Sipas mediave në kosove dyshohet se autori i msakkrës është shtetasi me inicialet F.Z, i cili fillimisht ka qëlluar mbi gruan e tij, dy djemtë e pastaj është vetëvrarë në oborrin e banesës. Burimet nga Prokuroria konfirmojnë se mes çiftit kishte kohë që marrëdhëniet ishin të acaruara. “Në vendin e ngjarjes policia, prokurori i rastit dhe ekipet mjekësore kanë kryer veprimet paraprake, ndërsa trupat eviktimave janë dërguar për ekspertizë në Institutin e Mjekësisë Ligjore, në Prishtinë”, thuhet në njoftimin e policisë. Familja që humbi jetën në këtë tragjedi, jetionte në Zvicër dhe ndodhej në Kosovë për festat e fundvitit.