Uniformat blu kanë zbardhur autorësinë dhe rrethanat e ngjarjes së ndodhur 2 ditë më parë, në lagjen “Besëlidhja”, ku u shkatërrua me eksploziv, automjeti i punonjësit të policisë Gentjan Gjetja. Falë hetimeve intensive, Policia ka finalizuar operacionin e koduar ‘Zoomed In’, duke vënë në pranga autorin 32-vjeçar Fatjon Rrika, me precent në Itali, për vjedhje. Ai u kap duke lëvizur në fshatin Zhejë, Kurbin me ciklomotorin me të cilin kishte shkuar për të kryer shpërthimin. Autori I ngjarjes së 15 marsit, u identifikua si rezultat i vëzhgimit të hollësishëm të një sërë pamjesh filmike të siguruara në akse të ndryshme. Në vijim të operacionit, nisi procedimi penal për babain e autorit të krimit, shtetasin N. Rr., 66 vjeç, pasi gjatë kontrollit në banesën e tyre, u gjet një armë gjahu, e cila posedohej pa leje. Policoa ka sekuestruar ciklomotorin dhe armën e gjahut në cilësinë e provës materiale.