Drejtësia e shtetit të Ceará në Brazil pranoi ankimin në ngarkim të një italiani dhe dy shtetasve brazilianëve të dyshuar për vrasjen e turistit shqiptar Alban Gropçaj, 28 vjeç, ngjarje kjo e ndodhur në qytetin e Caucaia, të Fortalezas në shkurt të vitit 2019. Sipas mediave braziliane tashmë e bëhen tre të pandehur dhe duhet të përgjigjen për vrasje të rëndë. Alban Gropçaj ishte i punësuar nga i pandehuri italian në një kompani me qendër në Itali, por ka udhëtuar drejt Brazilit për të shoqëruar të dyshuarin për vrasjen e tij. Sipas të dhënave nga hetimet, Gropçaj u vra nga dy persona me urdhër të një gruaje braziliane dhe italianit që ishte shefi i saj. Hetimet nxorrën në pah se italiani kërkonte vdekjen e punonjësit të tij për “interesa financiare”. Krimi ndodhi gjatë kthimit nga një restorant në Fortaleza. Shqiptari po shkonte në shtëpinë e italianit, në Kaucaia, kur u afruan dy persona me motor, të cilët nën kërcënimin e armës ndaluan makinën, tërhoqën shqiptarin nga automjeti dhe e ekzekutuan me tre të shtëna armësh, dy në kokë dhe një në sup. Nga hetimet rezultoi se viktimës nuk iu mor asgjë, gjë që bëri që policia të rrëzonte tezën e grabitjes. Pamjet: AFP