Besimtarët e tre feve janë në festë këtë fundjavë. Jo bashkë, por në të njëjtën kohë. Të premten e madhe katolikët kujtuan me lutjeje e heshtjeje kryqëzimin e Krishtit. Të dielën, në ditën e pashkës festohet ringjallja e tij. Të Premten, mbrëmjen para festës Peshah, hebrenjtë kujtuan largimin e izraelitëve nga Egjipti dhe me këtë edhe fundin e skllavërisë. Myslimanët ndërkohë ndodhen në muajin e shenjtë të Ramazanit, që filloi më 2 prill dhe përfundon më 2 maj. E ky pikëtakim mes festave është i pazakontë. Ndryshe nga lëvizja e diellit që përcakton kalendarin e krishterë në botën perëndimore, kalendari islam orientohet tërësisht nga hëna dhe viti hënor. 12 muajt e vitit sipas lëvizjes së diellit zgjasin 365 ditë, sipas vitit hënor 354 ditë. Kështu "shtegton" viti dhe koha e festës në islam përgjatë 3 dekadave në vitin perëndimor kalendarik. Koha më e shkurtër u ofron myslimanëve mundësinë që të përjetojnë Ramazanin e festa të tjera në stinë të ndryshme dhe kushte të ndryshme klimatike.