Në vijim të operacionit policorë të koduar “Perimetri”, për goditjen e aktivitetit kriminal të dhënies së ndihmës shtetasve të huaj, për kalim të paligjshëm të kufirit, kundrejt fitimit, policia e Korcës ka vënë në pranga 2 persona. Njëri prej tyre, banues në Durrës, ishte me detyrë punonjës I gardës së republikës. Uniformat blu konstatuan në aksin rrugorë Pogradec-Prrenjas një mjet të tipit Chevrolet, ku këta dy shtetas po tranportonin 5 emigrantë të paligjshëm, drejt vendeve të Bashkimit Europian kundrejt një shume parash. Gjithashtu, uniformat blu shpallen në kërkim në person tjetër, pasi nuk iu bind urdhrit të policisë për të ndaluar. Gjatë kontrollit të ushtruar në furgonin e tij, u konstatua se ky shtetas, po transportonte 40 emigrantë ët paligjshëm drejt vendeve të Bashkimit Europian, kundrejt pagesës. Materialet i kaluan Prokurorive të Rretheve Gjyqësore Pogradec dhe Korçë për veprime të mëtejshme