Jani Aliaj, që u arrestuar mëngjesin e 31 dhjetorit në Athinë rastësisht, përveç krijimit të një identiteti të ri në dokumentacione, kishte transformuar pothuajse krejtësisht edhe pamjen e tij. Një foto e siguruar nga Top Channel përmes burimeve policore në Athinë tregon se Aliaj, që kërkohej në Shqipëri prej vitit 2016-të si autori i vrasjes së Elton Çiços, tregon se ai kishte mbjellë flokët, duke ndryshuar në krahasim me foton e fundit të autoriteteve shqiptare në lidhje me pamjen e tij. Ndryshimi, bashkë me dokumentacionet e rreme greke me emrin Aleksan Kreshnik kanë vështirësuar identifikimin dhe prangosjen më parë të tij. Ka qenë pikërisht këmbëngulja e patrullës policore që e ndaloi mëngjesin e 31 dhjetorit në Athinë për të verifikuar vërtetësinë e dokumentacionit që ai u ka paraqitur që e ka prangosur Jani Aliajn.