Ambasada e Shteteve të Bashkuara në Kosovë do të vazhdojë të mbështesë Forcën e Sigurisë së Kosovës në përvetësimin e pajisjeve ushtarake amerikane, ka bërë me dije një zëdhënës i ambasadës në Prishtinë. Sipas tij, bashkëpunimi i fuqishëm ushtarak midis Shteteve të Bashkuara dhe Kosovës po e ndihmon FSK-në ta bëjë vendin një kontribuuese kyç për stabilitetin rajonal dhe global. Zyrtari delaroi se Shtetet e Bashkuara mbështesin plotësisht tranzicionin 10-vjeçar të Forcës së Sigurisë së Kosovës në një forcë mbrojtëse territoriale shumetnike, profesionale dhe të ndërveprueshme me NATO-n, e aftë për të rritur sigurinë rajonale dhe për të promovuar interesat e sigurisë së SHBA-së FSK nisi procesin dhjetëvjeçar të tranzicionizmit në vitin 2018, pas miratimit të ligjeve përkatëse nga Kuvendi, të cilat i hapën rrugë transformimit të saj në ushtri me kapacitete të plota. Prej atëherë, Shtetet e Bashkuara e kanë mbështetur këtë proces, duke e cilësuar tranzicionin si “historik” dhe duke konfirmuar angazhimin për zhvillimin profesional të forces.