Mijëra fermerë grekë dolën në protestë këtë të hënë, duke bllokuar akset rrugore kryesore në vendin fqinj me traktorë. Bllokada preku pothuajse të gjithë Greqinë, nga rruga Kakavijë-Janinë, deri te autostradat që lidhin rajonet e Veries dhe të Larisës me Athinën dhe Selanikun. Fermerët protestojnë për kostot e rritura në aktivitetin e tyre, çmimet e ulëta të produkteve që prodhojnë dhe vonesat në marrjen e subvencioneve nga ana e Qeverisë. Në rajonin e Janinës mbi 1 mijë traktorë bllokuan autostradën, duke prekur edhe pikëkalimin kufitar mes Greqisë dhe Shqipërisë në Kakavijë.