Një ngjarje e rëndë tronditi Greqinë të shtunën, ku një fëmijë 7-vjeçar, arriti t’i shpëtonte vëmendjes së nënës së tij e të hynte në det, ku si pasojë e një dallge nuk do të dilte më. Nikolasi 7 vjeç, i kishte kërkuar të ëmës të shkonte për not në det, por ajo nuk e kishte lejuar, por kur ajo po merrej me foshnjën e saj, Nikolas ka humbur nga sytë. Ai ishte drejtuar detit së bashku me një shok, por që rezultoi fatale. Ato ishin 10 minutat e tmerrit, por akoma më të rënda për të ëmën, e cila krahas kësaj dhimbje, u akuzua për vrasje nga pakujdesia. Por më pas, prokuroria e ka lënë atë të lirë. Sipas raportimeve, deti ishte i trazuar dhe djali i vogël me siguri është përfshirë nga një dallgë e fortë. “Prindërit e kërkonin, ai doli nga shtëpia pa e kuptuar. Ky fëmijë e donte shumë detin, shkonte rregullisht në det. Ai u gjet vetëm dhe kur e zbuluan ishte tepër vonë”, tha Pavlos Baritakis, kryebashkiak i Viannos.