Uniformat blu kanë goditur një rast të trafikimit të armëve të zjarrit nga Kosova, me qëllim shitjen në Shqipëri. Në kuadër të operacionit të koduar ‘Suspend’, u arrestuan dy shtetasit e Kosovës, konkretisht Altin Pajaziti dhe Kadri Prushi, 23 dhe 53 vjeç. Sipas njoftimit zyrtar të Policisë, dy shtetasit, kanë trafikuar dy pistoleta me vlerë rreth 10 mijë euro, si dhe municion luftarak nga Kosova, me qëllim shitjen në Tiranë. Policia bën me dije se hetimet, nën drejtimin e Prokurorisë, kanë zgjatur prej disa muajsh, ndërsa dy shtetasit janë ndaluar në autostradën “Lezhë – Fushë Krujë”.