Është e deportuar nga Italia në Shqipëri Bujar Shega, 52-vjeçari njohur edhe me emrin Marsel Shega dhe një prej emrave kyçë në grupin kriminal të Suel Çelës. Ndaj 52-vjeçarit shkalla e parë e Gjykatës së Posaçme ka caktuar masën e sigurisë arrest me burg në mungesë. I njohur si krahu i djatht në grupin e Suel Çelës, Bujar Shega u arrestua nga autoritetet italiane në nëntor të vitit të kaluar. Ai dyshohet për disa vepra penale, që nga trafikimi ndërkombëtar i drogës, kryerja e veprave penale nga organizata dhe grupi i strukturuar kriminal për rastin e trafikut të 930 kilogramëve kokainë nga Ekuadori dhe pastrim i produkteve të veprës penale. Deportimi ka marrë edhe pëlqimin e Bujar Shegës, që pritet të dalë para Gjykatës së Posaçme për verifikimin e masës arrest me burg dhënë në mungesë.