Uniformat blu të Tiranës kanë finalizuar fazën e pestë të operacionit të koduar ‘Relay’, duke goditur një tjetër rast të transportimit të emigrantëve, ilegalisht dhe kundrejt pagesave në shtete të BE-së. Operacioni u finalizua pas një hetimi me metoda speciale, duke vënë në pranga, një shtetas nga Maqedonia e Veriut, të identifikuar si Jakub Nehati. 41-vjeçari u kap në flagrancë, në aksin rrugor “Kashar-Thumanë”, teksa transportonte 2 emigrantë. Policia ka shpallur në kërkim edhe një 33-vjeçar, organizator I rastit, me banim në durrës, I cili iu kishte marrë secilit prej emigrantëve, 2500 euro, me premtimin se do të mundësonte transportimin ilegal të tyre, në Itali.