Britanikja The Sun ka publikuar një shkrim lidhur me një trafikant britanik që në dy raste ka sajuar vdekjen e tyre për t’i shpëtuar hakmarrjes nga bandat shqiptare. Këtë e ka deklaruar edhe në gjyq, por nuk ka qenë aspak bindës për autoritetet e Drejtësisë, të cilat e kanë marrë atë si të pandehur. Kësisoj, trafikanti famëkeq është burgosur së fundmi në Belgjikë pasi fotot e rreme të publikuara, ku dukej si torturuar për vdekje nga bandat rivale, nuk arritën të bindnin autoritetet. Gabriel C u dënua me katër vjet burg në 18 nëntor pasi tentoi të priste 113 kg kokainë nga porti belg i Antëerp në vitin 2016. Mediat lokale thonë se trafikanti i njohur edhe si "Sponxh Fingers", kishte sajuar dy herë vdekjen e tij teksa tentonte të fshihej nga bandat e pamëshirshme shqiptare të cilëve u kishte vjedhur një ngarkesë droge. Gjatë kërkimeve të tyre bandat rivale raportohet se kishin bastisur disa shtëpi me kallashnikovë deh granata dore. Fillimisht Gabriel C tentoi të inskenonte vdekjen e tij si i mbytur në një liqen në Gambia, të Afrikës. Por kur përpjekjet e tij dështuan, ai tentoi të inskenonte përsëri vdekjen e “dhimbshme” duke publikuar disa foto paksa qesharake ku dukej “i torturuar nga armiqtë e tij të trafikut”. Në foto e inskenuara ai kishte skalitur fjalën “hajdut” në dukje me gjak në gjoks, ndërsa ishte i lidhur në një karrige dhe i mbuluar me gjak nga disa prerje.