Policia finlandeze njoftoi të shtunën ka goditur një rrjet të madh të trafikimit të lëndëve narkotike, pjesë e të cilit ishin dhe trafikantë shqiptarë. Sipas mediave të huaja, ky rrjet kishte gjetur një mënyrë fare të veçantë për të dërguar lëndën narkotike tek porositësit. Kështu, raportohet se droga trafikohej nga Shqipëria në Spanjë dhe më pas, nëpërmjet postës ajo dërgohej në Finlandë. Policia finlandeze njofton se midis janarit dhe shkurtit grupi kishte dërguar me postë rreth 70 kilogramë marihuanë në destinacione të ndryshme. Të ardhurat nga ky trafik mendohet të jenë rreth 700 mijë euro, ndërkohë që gjatë aksionit u sekuestruan dhe rreth 13 kilogramë kanabis. Hetuesit thanë se një shqiptar i mori pakot me marihuanë nga posta duke përdorur një identitet të rremë. Ai tashmë ndodhet në paraburgim, ndërkohë që vijon puna për kapjen e një prej të dyshuarve kryesore, ku ai strehohej në Tikkurila. Gjatë hetimeve u zbuluar se pasi droga mbërrinte në Finlandë, të dyshuarit e paketonin atë në thasë të mbyllur hermetikisht të cilët i dërgonin në e Helsinkit, Vantas apo dhe Keravas, për tu sjhitur më pas në doza