Policia e Tiranë komunikoi zbardhjen e nëntë raste vjedhjesh të monopatinave dhe biçikletave, kur për autor të dyshuar ka arrestuar një 37 vjeçar. I arrestuari me inicialet Y.A., rezulton person me precedent penalë dhe i dënuar më parë për vjedhje. Ai është arrestuar nga shërbimet e komisariatit numër 3. Policia thotë se ky shtetas, në kohë dhe vende të ndryshme, gjatë muajit shkurt dhe mars të këtij viti ka vjedhur 5 monopatina, 3 biçikleta dhe 1 motomjet.