Vladimir Putin ka qenë gjithnjë i rrethuar nga një shpurë spiunësh dhe ish spiunësh, të gjithë të pasur, që i kanë qëndruar besnikë në cdo kohë, por lufta katastrofike e tij në Ukrainë, duket se po e con këtë besnikëri në një pikë thyerjeje. Edhe pse Oligarkët, janë më të përfolur në perëndim, janë Silovarch-ët hije që rrethojnë putinin që besohet se është edhe fuqia e vërtetë. Fjala Silovarch, është një kombinim i fjalës oligark dhe Siloviki, që përkthehet në njerëz të forcës, dhe tregon gjeneratën e elitës politike dhe të biznesit të rusisë që u ngrit përmes shërbimeve sekrete. Ndërsa oligarkët u bënë të pasur duke blerë industritë e ish bashkimit sovjetik për qindarka, silovarch-ët preferojnë të qëndrojnë në hije. Dhe me zërat që nuk ndalen për shëndetin e keq të Putinit, raportet për paranojën e tij për një puc shteti apo një rebelim dhe frikën se mund të vritet si kolonel Gaddafi, mund të ndodhë që këta njerëz të fuqishëm të marrin frenat në dorë. Ata mund të veprojnë nëse Putini do ta coja luftën e tij në Ukrainë, akoma më tej...nëse do të ndërmarrë një sulm bërthamor apo do përpiqet të provokojë një vend anëtar të NATO-s duke e kthyer konfliktin në luftë të tretë botërore.