Një aksident I rëndë ka ndodhur pasditen e se enjtes në qendër të Tiranës, ku fatmirësisht nuk ka pasur viktima. Kjo pasi përplasja midis dy automjeteve ka qenë shumë e fortë dhe ka ndodhur në një zonë shumë të populluar, pranë ambasadës italiane në Tiranë, ku ka kalimtarë të shumë. Siç shihet dhe nga pamjet e siguruara nga Top News, një nga automjetet, ai tip BMW po udhëtonte me shpejtësi të lartë. Automjeti është përplasur në kryqëzim me një tjetër mjet tip ‘Skoda’ dhe janë spostuar më pas pranë hyrjes së ambasadës. Nga video duket se si një kalimtare ka qenë me shumë fat. Ajo ka qenë duke kaluar në vijat e bardha, kur ka ndodhur përplasja e frikshme e dy makinave ngjitur me të. Po kështu me fat kanë qenë dhe personat që ndodheshin në dy automjetet, pasi si pasojë e këtij aksidenti vetëm një person është lënduar lehtë