Ky është momenti I kapur nga kamerat e sigurisë ku një 26-vjeçar, ka vjedhur në një subjekt në kryeqytet. Uniformat blu kanë finalizuar operacionin ‘Penaliteti’ duke arrestuar 26-vjeçarin, pas kallëzimit të disa shtetasve për vjedhje të pronës dhe pasurisë. Nga hetimet dyshohet se 26-vjeçari, gjatë muajit prill 2026, ka vjedhur shuma parash dhe produkte në 4 subjekte, si dhe ka tentuar të vjedhë në një banesë dhe në një subjekt. Sipas Policisë, I riu kishte thyer masën e sigurisë ‘Arrest në shtëpi’, për veprën penale “Dhuna në familje”. Policia vijon hetimin për të zbardhur vjedhje të tjera që mund të ketë kryer 26-vjeçari. Materialet procedurale iu referuan Prokurorisë së Tiranës, për veprime të mëtejshme.