Princi William i Britanisë dhe bashkëshortja e tij Kate thanë të hënën se ishin thellësisht të shqetësuar nga zbulimet në dosjet e Jeffrey Epstein, që kanë përkeqësuar Akoma më tej pozicionin e xhaxhait të trashëgimtarit të fronit, Andreë Mountbatten-Ëindsor. Ky i fundit, vëllai më i vogël i Mbretit Charles, që është përjashtuar tashmë nga rrethi i ngushtë mbretëror për shkak të marrëdhënies së tij të ngushtë me Epstein, është përballur me polemika të reja që nga publikimi i fundit i miliona dokumenteve të reja që lidhen me financierin e dënuar për abuzim seksual në SHBA. Ndërsa Charles dhe bashkëshortja e tij Camilla thanë në tetor se mendimet e tyre ishin me viktimat dhe të mbijetuarit e abuzimit, komenti i së hënës nga Princi dhe Princesha e Uellsit është mesazhi më i theksuar deri më tani i dhënë nga familja mbretërore mbi skandalin Epstein. "Mund të konfirmoj se princi dhe princesha kanë qenë thellësisht të shqetësuar nga zbulimet e vazhdueshme", u tha gazetarëve një zëdhënës i Ëilliam dhe Kate përpara mbërritjes së princit në Riad për një udhëtim të profilit të lartë. "Mendimet e tyre mbeten të përqendruara te viktimat". Andreë Mountbatten-Ëindsor, 65 vjeç, djali i dytë i Mbretëreshës së ndjerë Elizabeth, është përballur prej vitesh të tëra kritika për miqësinë e tij me Epstein, dhe në vitin 2022 zgjidhi një padi të ngritur nga Virginia Giuffre e cila e akuzonte atë për abuzim seksual me të kur ajo ishte adoleshente. Giuffre vrau veten në prill të vitit të kaluar. Ai gjithmonë ka mohuar akuzat dhe nuk I është përgjigjur kërkesave për koment që nga publikimi i fundit i dosjeve të Epstein, por marrëdhënia e tij me financierin pedofil i ka kushtuar rolin në familjen mbretërore, titujt dhe shtëpinë. Ai u detyrua të hiqte dorë nga të gjitha detyrat zyrtare mbretërore në vitin 2019 dhe në tetor Charles I hoqi titullin e princit. Javën e kaluar, ai u detyrua të largohej edhe nga rezidenca e tij mbretërore.