Komisioni Qendror i Zgjedhjeve do të testojë inteligjencën artificiale për numërimin e votave në Bashkinë e Tepelenës. Deklarata është bërë nga kreu i KQZ, Ilirjan Celibashi, që shtoi se rezultati nga inteligjenca artificiale nuk do të jetë zyrtar. “Në procesin e numërimit, krahas asaj që parashikon kodi zgjedhor, do të aplikojmë numërim edhe me AI. Ky informacion do të jetë publik në kohë reale. Rezultatet do të krahasohen, si në mënyrë manuale, ashtu edhe nëpërmjet AI. Me siguri, në mbyllje të procesit, do të komunikojmë më shumë në lidhje me këtë aspekt”.