Një tjetër person është vënë në pranga nga Policia Rrugore e Tiranës, pasi drejtonte mjetin nën efektin e lëndëve narkotike. Në pranga është vënë shtetasi Silvio Demirllari, 21-vjeç. Ky shtetas është ndaluar gjatë kontrolleve policore në rrugën ‘Xhanfize Keko’ dhe pas testit të drogës, rezultoi se drejtonte automjetin nën efektin e lëndëve narkotike. Gjithashtu, përveç arrestimit, 21-vjeçarit i është pezullua leja e drejtimit për 12 muaj, i janë zbritur 10 pikë nga leja e drejtimit dhe I është vendosur masë administrative 15.000 lekë të rinj. Silvio Demirllari akuzohet për veprën penale “Drejtimi i automjeteve në mënyrë të parregullt”. Ky është rasti i dytë që kapet brenda pak ditësh që nga momenti kur Policia Rrugore u pajis me aparatet drogëtestuese. Katër ditë më parë, po nga Policia Rrugore e Tiranës, u vu në pranga një 25-vjeçar i cili rezultoi se drejtonte automjetin nën efektin e lëndëve narkotike.