Një vajzë 3 vjecare është shpëtuar mëngjesin e të hënës, bashkë me një tjetër 14 vjecare, pasi tërmeti i fuqishëm me manjitudë 6.6 goditi brigjet turke të egjeut. 3 vjecarja Elif Perincek, u nxorr nga rrënojat afro 65 orë pas tërmetit. 3 vjecarja e mbijetuar ishte personi i 106 që u shpëtua nga rrënojat dhe u dërgua në spital. Rreth 23 orë pas tërmetit, nënta e saj dhe dy tre vëllezërit e saj ishin nxjerrë nga rrënojat, me njërin prej tyre që humbi jetën në spital. Tërmeti në rajonin e egjeut i ka marrë jetën të paktën 85 viktima ndërsa rreth 1 mijë të tjerë janë lënduar. Më shumë se 200 të lënduar, sipas autoriteteve, po trajtohen në spital ndërkohë që familjet në qytetin Bayrakli, më të prekur nga tërmeti, kaluan natën e tretë në tenda. Skuadrat e shpëtimit ndërkaq nuk e kanë ndalur ende punën në përpjkeje për të nxjerrë të tjerë të mbijetuar nga rrënojat edhe pse shpresat vijnë duke u shuar. Vendi ndërkohë ka regjistruar mbi 800 lëkundje të tjera toke pas tërmetit, përfshirë 40 të manjitudës mbi katër. Tërmeti i të premtes ishte aq i fortë sa u ndje deri në stamboll dhe Athinë. Tërmeti ishte më vdekjeprurësi në turqi këtë vit. Një tjetër tërmet i regjistruar në janar i mori jetën më shumë se 40 personave në provincat lindore elazig dhe malatya. Turqia ka qenë skenë e tërmeteve të përsëritura që kanë shkaktuar shumë shkatërrim, përfshirë tërmetin e madh me manjitudë mbi 7 në qytetin e izmirit në 1999 që i mori jetën 1700 personave, përfshirë rreth 1 mijë në stamboll. Ekziston frika për katastrofa të tjera në të ardhmen dhe për mënyrën se sa e përgatitur është turqia, edhe pse që nga 1999 Ankaraja ka vendosur rregulla më të rrepta në sigurinë e ndërtimit. Turqia është një një nga zonat sizmike më aktive në botë dhe është e vendosur në disa linja aktive tektonike.