Tarifat e pashoqe të vendosura nga Presidenti amerikan, Donald Trump kanë shkaktuar një tërmet në ekonominë globale, lëkundjet e të cilit janë ndjerë fillimisht te bursat, çmimi i naftës dhe këmbimi valutor. Aksionet e në Nasdaq ranë me 3.2 për qind, ndërsa Apple humbi më shumë se 240 miliardë dollar menjëherë. Aksionet europiane humbën 2 për qind, ndërsa Nikkei, indeksi i Tokios e nisi ditën me 3 për qind humbje. Çmimi i naftës ra me më shumë se 2 për qind, ndërsa ari u rrit ndjeshëm duke shkuar në 3160 dollarë për onz.