Ndërsa temperaturat kanë ndezur vendin, qendra të ndryshme tregtare në Dubai u bënë vendet pritëse të Mallathon, maratonës në salla të mbyllura me pjesëmarrjen e qindra garuesve të cilët vrapuan nën ajrin e kondicionuar. Është kjo nismë që do të zbatohet gjatë gjithë muajit gusht, që shpesh është muaji më i nxehtë në Emiratet e Bashkuara Arabe. Është një nisme që ka gjetur edhe mbështetjen edhe të qeverisë së vendit, që synon njerëzit që të merren me aktive fizike edhe gjatë kësaj periudhe Të vraposh në ambiente të hapura në rajonin e Gjirit Persik ku temperaturat herë pas herë shkojnë në 50 gradë celcius, është e pakëndshme e madje jo e sigurt për shumë persona. ‘nëse vrapon në ambiente të jashtme nuk është aspak e shëndetshme sepse temperaturat janë rreth 40-50 gradë celcius-tha një prej vrapueseve Pjesëmarrësit në këtë maratonë që kishin veshur fanela ku shkruhej ‘Dubai Mallaton’ dhe veshje të tjera sportive vrapuan pranë dyqaneve të mbyllura dhe në sallat me pllaka mermeri të qendrës tregtare. Gjatë muajit gusht, 9 nga qendrat tregtare të Dubait duke përfshirë dhe Dubai Mall, një nga qendrat tregtrare më të mëdha në botë, janë të hapura për vrapuesit nga ora 07:00-10:00 të mëngjesit. Në fundjavë, vrapuesit mund të garojnë në gara 10 km, 5 km apo 2.5 km dhe në fund të tyre ka edhe ceremoni për fituesit Gjatë maratonës të kësaj të shtune në City Centre Mirdif mall, 2 robotë u shfaqën pranë pjesëmarrësve të cilët bënë pak pauzë për të bërë foto selfie me ta.