Katër persona, të cilët siguronin kalimin e emigrantëve shqiptarë në Britaninë e Madhe kanë rënë në prangat e policisë atje. Sipas mediave angleze bëhet fjalë për dy gra, një i ri 22-vjeçar dhe një tjetër 34 vjeç. Hetimet për këtë çështje kanë vijuar prej kohësh, teksa më para janë arrestuar dhe 7 të tjerë. Sipas policisë, grupi në fjalë bën të mundur transportin e emigrantëve duke përdorur kamionë e fugonë. Secili prej tyre kryen një pagesë të majme për të shkelur në tokën britanike. Vlera mestare që paguhet përllogaritet rreth 25 mijë paund, e cila justifikohet nga risku I lartë. Të arrestuarit dyshohet se kishin bashkëpunëtorë në Francë, Gjermani, Holandë dhe Poloni. Ata më pas u lanë të lirë me kusht, pasi u morën në pyetje. Komndanti I Agjencisë Kombëtare të Krimit u ka pohuar mediave se hetimi ëhtë një vazhdim I atij të mëparshëm, ku u arrestuan 7 persona. Qëllimi I tij është dhënia fund e këtij aktiviteti të paligjshëm e fitimprurës për trafikantët. I lartë ka qenë numri i qytetarëve shqiptarë të cilët i drejtohen Anglisë. Ata kryejnë pagesa të larta deri në 3.5 milionë lekë të rinj për të mbërritur në vendin ishullor.