Ambasadori i Suedisë në Kosovë Jonas Westerlund, ka kërkuar nga partitë parlamentare që të respektojnë aktgjykimin e Gjykatës Kushtetuese lidhur me konstituimin e Kuvendit. Ai ka bërë thirrje për formimin e shpejtë të institucioneve të reja. “Gjykata Kushtetuese ka dhënë një deklaratë shumë të qartë për këtë. Parlamenti nuk është konstituuar, por në vend të kësaj, duhet të procedohet me emërimin e një nënkryetari nga një prej komuniteteve jo-shumicë. Nuk kam ndonjë mendim për vetë përmbajtjen, por jam shumë i kënaqur që kjo është një deklaratë mjaft e qartë nga Gjykata Kushtetuese. Mos harroni që Gjykata Kushtetuese është themeli i çdo shoqërie demokratike, dhe duhet t’i përmbahemi asaj dhe të respektohen të gjitha vendimet”. Ai ka theksuar se Kosovës i duhet një qeveri legjitime për të avancuar në procesin e integrimit në Bashkimin Europian.