Lëvizja Socialiste për Integrim ka dërguar një kërkesë ankimore drejtuar Komisionit të Ankimimeve dhe Sanksioeve në Komisionin Qëndror të Zgjedhjeve. Nëpërmjet kësaj kërkesë Lëvizja Socialiste për Integrim ka kërkuar shpalljen e pavlefshme të procesit të votimit në qendrat e votimit të qarkut të Beratit si dhe përsëritjen e zgjedhjeve në këtë qark. Në dokumentin e depozituar në KAS, ky subjekt politik ka parashtruar disa pretendime për shkelje mbi të cilat bazon kërkesën. Sipas kësaj force politike në disa qendra votimi janë gjetur fletë pa vula, gjë që bie në kundërshitm me parashikimet e Kodit Zgjedhor. Gjithashtu pretendohet se ka pasur tentativa për votim të dyfishtë nga i njëjti zgjedhës. Në qëndrën e votimit në Ullinjas ka pasur mospërputhje midis numrit të zgjedhësve, fletëve të votimit dhe gjinisë femërore . Në vitin 2017 në qarkun e Beratit, Lëvizja Socialsite për Integrim ka fituar dy mandate deputeti, ku listën e kryesonte Nasip Naço, i cili në zgjedhjet e 25 Prillit ju bashkua listave të Partisë Socialiste. Këtë vit qarku i Beratit shënoi një humbje të thellë për Lëvizjën Socialiste për Integrim duke mos i dhënë asnjë mandate deputeti kësaj forcë politike. Ndërkohë kujtojmë se LSI ka ankimuar më herët edhe rezultatet e qarkut të Gjirokastrës.