I dërguari i posaçëm i SHBA-së për Ballkanin Perëndimor, Gabriel Escobar, dhe ai i BE-së për dialogun, Kosovë-Serbi, Miroslav Lajçak kanë takuar të gjithë lidërët politikë në Kosovë për të parandaluar përshkallëzimin e situatës më 1 shtator. Pas takimit me kryeministrin Albin Kurti, presidenten Vjosa Osmani dhe krerët e opozitës, Escobar tha se pret që Kosova dhe Serbia të kenë një propozim konkret për zgjidhjen e çështjes së targave dhe dokumenteve serbe. Ai thotë se dy palët na kanë siguruar se nuk duan përshkallëzim dhe dhunë më 1 shtator. Takimi i fundit midis kryeministrit të Kosovës, Albin Kurti, dhe presidentit të Serbisë, Aleksandar Vuçiq, në Bruksel më 18 gusht. Escobar përsëriti se mbështet Kosovën e Serbinë për të gjetur zgjidhje, siç tha ai, “për këto çështje të vështira”.