Një përson i mitur ka rënë në prangat e policisë së Tiranës, pasi dyshohet se shiste lëndë narkotike në zona të ndryshme të kryeqytetit. 17-vjeçari i cili rezulton banues në Kamëz dyshohet se pasi siguronte sasi lënde të dyshuar narkotike cannabis, e ndante atë në doza, të cilat më pas i shiste në Tiranë. Operacioni policor i koduar “Shop”, për arrestimin e të miturit u realizua në kuadër të planit operacional “Tempulli 3” nga shërbimet e Komisariatit të Policisë Nr. 5, në vijim të punës për goditjen e veprimtarisë kriminale të shitjes së lëndëve narkotike. Policia ka seksutesuar një sasi lënde e dyshuar narkotike cannabis sativa, shuma parash të dyshuara të përfituara nga kjo veprimtari kriminale, një çelës automjeti dhe një celular. Prokuroria po vijon hetimet e thelluara lidhur me arrestimin e të miturit.