Me këngë tradicionale shqiptare, e me thirrjet jemi një komb, një grup qytetarësh në Tiranë u mblodhën sot para Kryeministrisë në mbështetje të Kosovës, pas rrëmbimit të tre policëve në veri. Me flamujt e Shqipërisë, Kosovës e Bashkimit Europian ata organizuan një protestë të qetë duke I kërkuar kryeministrit Rama të mbështesë Kosovën dhe kryeministrin Kurti në këto momente në vështira. “Duam bashkimin e kombit”, ishin disa nga sloganet në protestë, ku demonstruesit valvisin flamujt e Shqipërisë dhe Kosovës. Protesta vjen mes situatës së tensionuar në veri të Kosovës. Kjo protestë është nxitur nga qëndrimet e kryeministrit Edi Rama për situatën në Kosovë, i cili ka kritikuar kryeministrin Albin Kurti për mos-koordinim me aleatët ndërkombëtarë si dhe ka hezituar të mbajë qëndrim për rrëmbin e policëve të Kosovës nga forcat serbe brenda territorit të shtetit. Ata i kërkuan qeverisë shqiptare që të mos jetë e paanshme, por të jetë krah Kosovës.